ដួង ម៉ានិច ចេញវីដេអូបកស្រាយ ទាំងអួលដើមក បញ្ជាក់ការពិត ថាគ្រាន់តែជា ការសម្តែងតែប៉ុណ្ណោះ (មានវីដេអូ)

តារា & កម្សាន្ដ

ពុធ ០១ មិថុនា, ២០១៦ ១៦:៤៩
ដោយ នាថ

ភ្នំពេញ៖ កាលពីថ្មីៗនេះ នៅលើបណ្តាញសង្គមហ៊្វេប៊ុកក្នុងស្រុក បានចែកចាយវីដេអូមួយ ឃើញថា កញ្ញា ដួង ម៉ានិច កំពុងតែជក់ថ្នាំ ជាមួយនឹងបុរស២នាក់ នៅក្នុងបន្ទប់មួយ។ បើយោងតាមកាយវិការជក់ថ្នាំរបស់នាង មើលទៅពិតជាដូចជាអ្នកចេះជក់យ៉ាងស្ទាត់ជំនាញដូច្នោះដែរ ដែលធ្វើឲ្យមហាជនយល់ច្រឡំលើនាង ដោយមានមតិខ្លះ ជេរដៀល លើរូបនាងយ៉ាងធ្ងន់ធ្ងន់ថែមទៀតផង។

ជាការពិតណាស់ បន្ទាប់ពីឃ្លីបនេះ រីករាលដាលយ៉ាងខ្លាំងមក បានធ្វើឲ្យកេរ្តិ៍ឈ្មោះរបស់នាង ត្រូវធ្លាក់ចុះជាទម្ងន់ ទើបធ្វើឲ្យនាងសម្រេចចិត្តចេញវីដេអូឃ្លីបមួយ ដើម្បីបកស្រាយទាក់ទងទៅនឹងដ៏អាក្រក់មួយនេះ។

ទន្ទឹមនឹងនេះ នៅក្នុងវីដេអូឃ្លីបដែលមានរយៈពេលជិត ២នាទីនេះ គឺកញ្ញា ដួងម៉ានិចបាននិយាយបកស្រាយ ទាំងអួលដើមករថា តាមពិតទៅនាងមិនបាន ធ្វើនូវអ្វីដែលខុសពីវប្បធម៌ខ្មែរនោះទេ។ នាងបានលើកយកវីដេអូឃ្លីបមួយ ដែលសរបញ្ជាក់ថា នាងពិតជាមិនបានញៀនថ្នាំយ៉ាងពិតប្រាកដមែន ហើយកាលដែលលេចចេញនូវវីដេអូដែលនាងជក់ថ្នាំនោះ គ្រាន់តែជាឈុតសម្តែង ដែលតម្រូវឲ្យនាងសម្តែងបែបនេះតែប៉ុណ្ណោះ។ ហើយជាចុងក្រោយ នាងក៏សូមអគុណដល់អ្នកគាំទ្រ និងមិត្តភក្តិទាំងអស់ តែងតែស្រលាញ់ និងគាំទ្រនាង និងជួយបន្តគាំទ្រនាងបន្តទៀតផងដែរ៕

ខ្មែរឡូត