អាទិត្យ ២៤ កក្តដា, ២០១៦ ១៣:១២
ភ្នំពេញ ៖ បុរសម្នាក់ ជិះម៉ូតូមួយគ្រឿង ម៉ាកសេ១២៥ ត្រូវបានបុរសម្នាក់ជិះម៉ូតូ MSX ជិះជ្រុលទៅបុក ដួលទៅនឹងថ្នល់ស្របពេលនោះ រថយន្តមួយគ្រឿងមកដល់ក៏ជ្រុល ទៅកិនបណ្តាលឲ្យស្លាប់ភ្លាមៗ ចំណែក អ្នកបើកបរម៉ូតូបង្ក និងរថយន្តបានគេចខ្លួនបាត់ កាលពីវេលាម៉ោង៩ជាងថ្ងៃទី២៤ខែកក្កដា ឆ្នាំ២០១៦ស្ថិតនៅតាមបណ្តោយផ្លូវជាតិលេខ៤ភូមិអង្គកែវ សង្កាត់ចោមចៅ ខណ្ឌពោធិ៍សែនជ័យ ។
នគរបាលបានឲ្យដឹងថា ជនរងគ្រោះឈ្មោះ ស៊ិន សារិទ្ធ ភេទប្រុសអាយុ៤៥ឆ្នាំជិះម៉ូតូមួយគ្រឿង ម៉ាកសេ១២៥ពណ៌ខ្មៅពាក់ស្លាកលេខភ្នំពេញ 1CQ-8231 ចំណែកម៉ូតូបង្កម៉ាក MSX ពណ៌សលាយខ្មៅអត់ស្លាកលេខ អ្នកបើកបរគេចខ្លួនបន្សល់ទុកម៉ូតូចោលកន្លែងកើតហេតុ ដោយឡែករថយន្តដែលជ្រុលទៅកិនជនរងគ្រោះនោះ មិនត្រូវបានគេស្គាល់ម៉ាកនិងអត្តសញ្ញាណនោះទេ ក្រោយកើតហេតុព្យាយាមបើកគេចបាត់ ភ្លាមៗនោះនគរបាលចុះទៅដល់ជួយអន្តរាគមន៍ និងបានប្រគល់សាកសពទៅឲ្យក្រុមគ្រួសារយកទៅធ្វើបុណ្យតាប្រពៃណី ចំណែកវត្ថុតាងត្រូវយកទៅរក្សាទុក នៅអធិការដ្ឋានដើម្បីធ្វើការស្រាវជ្រាវ រកអ្នកបើកបរម៉ូតូបង្ក ដោះស្រាយគ្នាទៅតាមផ្លូវច្បាប៕
No comments:
Post a Comment