វេលស៍ ធ្វើឲ្យ បែលហ្ស៊ិក ស្រឡាំងកាំងយប់មិញ ក្នុងលទ្ធផល ៣-១ (មានវីដេអូហាយឡាយ)

កីទ្បា

សៅរ៍ ០២ កក្តដា, ២០១៦ ១៤:១៦
ដោយ ប៊ុនឡុង

បារាំង៖ ក្រោយពីទទួលជ័យជំនះកាលយប់មិញនេះ ក្រុមកីឡាករវេលស៍ បានទទួលការអបអរ និងការស្រែកច្រៀងពីអ្នកគាំទ្ររបស់ពួកគេ យ៉ាងខ្លាំង នៅក្នុងការប្រកួត Euro 2016 ដែលជាការទទួលជ័យជម្នះលើ ក្រុមជម្រើសជាតិ បែលហ្ស៊ិកនៅវគ្គ ៨ក្រុមចុងក្រោយ ក្នុងលទ្ធផល ៣-១។

នៅក្នុងការប្រកួតយប់មិញនេះ ក្រុមវេលស៍ បានរងការបុកសំរុក យ៉ាងធ្ងន់ធ្ងរពីក្រុមជម្រើស ជាតិប៊ែលហ្ស៊ិក នៅពេលដែលបានគ្រាប់បាល់យ៉ាងស្អាត ពីកីឡាករ Radja Nainggolan ក្នុងរយៈពេល ១៥នាទី។ ទោះបីយ៉ាងណា ប្រធានក្រុមបាល់ទាត់វេលស៍លោក Ashley Williams បានជួយរកគ្រាប់វ៉ៃស្មើនឹងបែលហ្ស៊ិកផងដែរ។ បន្ទាប់មកវេលស៍ បានបន្តរកគ្រាប់ទីពីរ និងបានយកការនាំមុខជាលើកដំបូង ក្នុងតង់ទីពីរ នៅនាទីទី១០ ផងដែរ។ នៅនាទីចុងក្រោយ នៃតង់ទីពីរក្រុមជម្រើសជាតិវេលស៍ បានទទួលគ្រាប់ជ័យជំន្នះ ពីកីឡាករ Sam Vokes នៅលទ្ធផល ៣ទល់១ នឹងបែលហ្ស៊ិក ផងដែរ។

យ៉ាងណាមិញ នេះជាការលេង នៅក្នុងការប្រកួតដ៏ធំដំបូងរបស់វេលស៍ ចាប់តាំងពីការប្រកួត World Cup ឆ្នាំ ១៩៥៨ ដែលកីឡាករ និងអ្នកគាំទ្រកំពុងបង្កើតឱកាសជំនាន់ថ្មីមួយ ដើម្បីបង្ហាញខ្លួនឯងនៅលើ ឆាកកីឡាបាល់ទាត់ធំបំផុតនេះ។

ដូច្នេះចាំមើលថា នៅយប់ថ្ងៃទី ៧ ខែកក្កដា ខាងមុខនេះ រវាង វេលស៍ និងព័រទុយហ្គាល់  មួយណា នឹងទទួលបានជ័យជំនះ ដើម្បីឈានទៅវគ្គផ្ដាច់ព្រ័ត្រ?

សូមទស្សនាវីដេអូហាយឡាយ កាលពីយប់មិញនេះ៖

កីឡាករ Gareth Bale នៃក្រុមជម្រើសជាតិ វេលស៍ លើកដៃ ដែលក្រុមរបស់ខ្លួនយកឈ្នះនឹង បែលហ្ស៊ិក ក្នុងលទ្ធផល ៣-១

ប្រភព ៖ CNN