ស្ងាត់ៗ! ឆាយ វីរៈយុទ្ធ ភ្ជាប់ពាក្យបាត់ កាលពីព្រឹកមិញនេះ ពុធ ០១ មីនា, ២០១៧ ១៣:៥៤

ភ្នំពេញ៖ នេះជារឿងដ៏គួរឲ្យភ្ញាក់ផ្អើលមួយ ដោយកាលពីព្រឹកមិញនេះ បើកឆាកដើមខែថ្មី ខែមីនានេះតែម្តង ដោយតារាចម្រៀងសម្លេងខ្ពស់ ប្រចាំផលិតម្មសាន់ដេ លោកឆាយ វីរៈយុទ្ធ បានរៀបចំពិធីភ្ជាប់ពាក្យជាមួយនឹងគូដណ្តឹងជាទីស្រលាញ់របស់លោក ដោយពិធីមានលក្ខណៈបែបគ្រួសារសាមញ្ញៗ ប៉ុន្តែមានភាពកក់ក្តៅ ហើយអ្វីដែលពិសេសនោះ ពួកគេទាំងពីរនាក់ លេងឈុតពណ៌ក្រហម ជាពណ៌មង្គលថែមទៀតផង។

គួរឲ្យដឹងថា កន្លងមកនេះ អ្នកគាំទ្រមួយចំនួនមិនធ្លាប់បានដឹងទេ ថាលោក ឆាយ វីរៈយុទ្ធ មានគូបញ្ចាំចិត្តតាំងពីពេលណាមក ហើយក៏ស្រាប់តែទម្លាយដំណឹងភ្ជាប់ពាក្យតែម្តង ដែលធ្វើឲ្យមហាជនភ្ញាក់ផ្អើលមិនស្ទើរនោះទេ។

ប៉ុន្តែមិនថាយ៉ាងណា ចំពោះដំណឹងដ៏គួរឲ្យរីករាយនេះផងដែរ លោក ឆាយ វីរៈយុទ្ធ ទទួលបានសារអបអរសាទរ និងសារជូនពរជាច្រើន ពីសំណាក់មហាជននៅលើបណ្តាញសង្គមហ្វេសប៊ុកផងដែរ៕

កំណត់ហេតុខ្មែរឡូត៖