ព័ត៌មានទាន់ហេតុការណ៍
ជាតិ » សន្ដិសុខសង្គម
លែងមានឱកាសស្រែកហ៊ោកញ្ជ្រៀវទៀតហើយ
ដោយ ៖ ម៉េង ធា
ថ្ងៃសៅរ៏ ទី១ ខែកក្កដា ឆ្នាំ២០១៧ ម៉ោង ១៦:០២ (01-07-2017 16:02)
រាជធានីភ្នំពេញ ៖ សេចក្តីរាយការណ៍ឱ្យដឹងថា មានការចុះបង្ក្រាបទីតាំងជល់មាន់ដុះស្លែមួយកន្លែង ដោយកម្លាំងព្រហ្មទណ្ឌខណ្ឌសែនសុខ និងឃាត់ខ្លួនបានអ្នកញៀនល្បែងម្នាក់, មាន់គក២ក្បាល, ជញ្ជីងថ្លឹងមាន់ និងសម្ភារមួយចំនួនទៀតដែរ កាលពីម៉ោង១២ និង៣០នាទីថ្ងៃត្រង់ថ្ងៃទី០១ កក្កដា នេះ ស្ថិតនៅចំណុចដីវាលស្រែមួយកន្លែង ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ ។
ប្រភពឱ្យដឹងថា អ្នកលេងដែលឃាត់ខ្លួនបានឈ្មោះសឹង ហេន អាយុ៥៣ឆ្នាំ ស្នាក់នៅភូមិសែនសុខ២ សង្កាត់ឃ្មួញ ខណ្ឌសែនសុខ ។ បើតាមប្រភពពីសមត្ថកិច្ចថា ក្រោយពីមានប្រជាពលរដ្ឋរាយការណ៍មកសមត្ថកិច្ចថាទីតាំងខាងលើ បានប្រមូលផ្តុំដោយអ្នកញៀនល្បែង(ជល់មាន់)បាញ់អាប៉ោង ដែលតែងតែជួបជុំគ្នាលេងមិនថា ព្រឹកឬថ្ងៃនោះ ទើបកម្លាំងចុះបង្ក្រាបបានជាក់ស្តែងតែម្តង ។
គួរបញ្ជាក់ថា កម្លាំងព្រហ្មទណ្ឌខណ្ឌចុះបង្ក្រាបទីតាំងជល់មាន់ដុះស្លែខាងលើនេះ គឺមិនបានប្រាប់កម្លាំងប៉ុស្តិ៍នគរបាលរដ្ឋបាលក្រាំងធ្នង់ឡើយ ដោយខ្លាចបែកខ្យល់ ។បច្ចុប្បន្ន បុរសញៀនល្បែងជល់មាន់ខាងលើ ត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌសែនសុខ ។
No comments:
Post a Comment