ចាងហ្វាងការផ្សាយលោក ទិត្យ តារា.ជំនួយការចាងហ្វាង លោក. ទូច រ៉ាវុធ: August 2017

Wednesday, August 16, 2017

សង្គម ខឹងមិនព្រមឲ្យជែងដកកាំភ្លើងបាញ់8គ្រាប់ផ្អើលអស់សមត្ថកិច្ចនិងប្រជាពលរដ្ឋ

រាជធានីភ្នំពេញ ៖ បុរសម្នាក់បើករថយន្តម៉ាកតូយ៉ូតាព្រូសខឹងរថយន្តក្រុងមិនព្រមឲ្យបើកជែងទៅមុនដកកាំភ្លើងខ្លីបាញ់គូទរថយន្ត និងកញ្ចក់រថយន្តចំនួន៨គ្រាប់ បង្កឲ្យមានការភ្ញាក់ផ្អើលកាលពីវេលាម៉ោង៨និង៤០នាទីយប់ថ្ងៃទី១៦ ខែសីហា ឆ្នាំ២០១៧ តាមបណ្តោយផ្លូវ៥៩៨ ស្ថិតនៅក្នុងសង្កាត់ទួលសង្កែ ខណ្ឌឬស្សីកែវ ។ ជនរងគ្រោះមានឈ្មោះ ឈឹម គឹមទ្រី ភេទប្រុស អាយុ២៩ឆ្នាំ មុខរបរអ្នកបើករថយន្តក្រុងដឹកអ្នកដំណើរ ស្នាក់នៅសង្កាត់បឹងសាឡាង ខណ្ឌទួលគោក ។

តាមប្រភពព័ត៌មានពីជនរងគ្រោះបានឱ្យដឹងថា មុនពេលកើតហេតុគាត់បើករថយន្តក្រុង ពណ៌ផ្កាឈូកលាយស ពាក់ស្លាកលេខ ភ្នំពេញ៣D-៤៩០៣ ជិះ២នាក់ព្រូ មិនមានដឹកអ្នកដំណើរទេ បើកមកពីរង្វង់មូលកាំកូស៊ីធីក្នុងទិសដៅពីត្បូងទៅជើង ស្រាប់តែមានរថយន្តមួយគ្រឿងម៉ាកតូយ៉ូតាព្រូស ពណ៌ស ពាក់ស្លាកលេខ ភ្នំពេញ ២AP-១៩៣៦ ដែលបើកមកតាមក្រោយព្យាយាមបើកជែងទៅមុន រូបគាត់មិនព្រមឲ្យជែងដោយសារតែមានរ៉ឺម៉កម៉ូតូមួយគ្រឿងនៅខាងមុខ ស្រាប់តែអ្នកបើករថយន្តតូយ៉ូតាព្រូសបានដកកាំភ្លើងបាញ់គូទរថយន្តខាងក្រោយ របស់គាត់ចំនួន៧គ្រាប់ និងបាញ់មួយគ្រាប់ទៀតធ្វើឲ្យបែកកញ្ចក់ចំហៀងមួយផ្ទាំងធ្វើឱ្យគាត់ភ័យស្លន់ស្លោ ហើយរថយន្តបង្កបំរុងនឹងបើកវ៉ារថយន្តគាត់ ប៉ុន្តែគាត់មិនព្រមឱ្យវ៉ាហើយគាត់កៀរបណ្តាលឱ្យរថយន្តបង្កខ្ទេចមួយកំណាត់ខាងមុខហើយរថយន្តរងគ្រោះបើកចូលទៅក្នុងចំណតរថយន្តនៅក្នុងចំណតរបស់ក្រុមហ៊ុនបញ្ចាំលីហួរនៅសង្កាត់ទួលសង្កែ ខណ្ឌឬស្សីកែវ ត្រូវរថយន្តបង្កហេតុដេញតាមក្រោយកៀកជាប់នឹងរថយន្តរងគ្រោះទៀតបង្កឱ្យមានការភ្ញាក់ផ្អើលដល់នគរបាលខណ្ឌសែនសុខ និងខណ្ឌឬស្សីកែវ ចុះមកអន្តរាគមន៍ភ្លាមៗ ។

បើតាមសំដីរបស់ខាងម្ចាស់រថយន្តបង្កបានប្រាប់ឱ្យដឹងថា មិនមែនសុខៗគាត់ដកកាំភ្លើងយកទៅបាញ់គេនោះទេ គឺមកពីរថយន្តក្រុងបើកកៀររថយន្តគាត់ ហើយអត់ឈប់ទើបគាត់ខឹងក៏ដេញតាមពីក្រោយហើយបាញ់តែម្តង ។ ជនបង្កបានបន្តទៀតថា បើសិនជាអ្នកធម្មតាវិញបើកបុកឬកៀរគេហើយរត់បាត់ហើយ ។

ក្រោយពេលកើតហេតុជនរងគ្រោះក៏បានទៅដាក់ពាក្យបណ្តឹងនៅស្នងការរាជធានីភ្នំពេញដើម្បីឱ្យសមត្ថកិច្ចចាត់ការទៅតាមនីតិវិធី ៕

ខឹងមិនព្រមឲ្យជែងដកកាំភ្លើងបាញ់8គ្រាប់ផ្អើលអស់សមត្ថកិច្ចនិងប្រជាពលរដ្ឋ

ប្រភព : កោះសន្តិភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679(៨-១១ព្រឹក & ១-៥ល្ងាច) (2) អ៊ីម៉ែល news@khmerload.com (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

សង្គម ជំនន់ទឹកភ្លៀងឡើងខ្លាំងនាំឲ្យលិចផ្ទះប្រជាពលរដ្ឋនៅស្រុកព្រៃនប់ និងឈានដល់លិចផ្លូវជាតិលេខ៣ និងផ្លូវជាតិលេខ៤, សូមអ្នកធ្វើដំណើរទៅខេត្តព្រះសីហនុ មេត្តាប្រុងប្រយ័ត្ន (មានវីដេអូ)

(ព្រះសីហនុ)៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រាប់បណ្ដាញសារព័ត៌មាន Fresh News នៅព្រឹកថ្ងៃទី១៧ ខែសីហា ឆ្នាំ២០១៧នេះថា ដោយសាររយៈពេលប៉ុន្មានថ្ងៃនេះ ភ្លៀងបានធ្លាក់ជោគជាំ រហូលដល់ព្រឹកនេះ ស្ថានភាពទឹកបានឡើងខ្លាំង លិចហូរកាត់ថ្នល់មួយផ្នែកលើផ្លូវជាតិ៣ ក្នុងឃុំទឹកថ្លា, ឃុំទឹកល្អក់, ឃុំសាមគី្គ និងឃុំមួយចំនួនទៀត តាមផ្លូវជាតិលេខ៤ ក្នុងស្រុកព្រៃនប់ ព្រមទាំងផ្ទះប្រជាពលរដ្ឋមួយចំនួនរងផលប៉ះពាល់។

លោកឧត្តមសេនីយ៍ស្នងការបន្ថែមថា ប៉ុន្តែក្នុងអំឡុងពេលនេះ ការធ្វើចរាចរទៅមកបានជាធម្មតា។ ដោយលោកបញ្ជាក់ថា កម្លាំងមូលដ្ឋានកំពុងឈរជើងនៅកន្លែងដែលរងគ្រោះ ផ្សព្វផ្សាយ ណែនាំដល់ប្រជាពលរដ្ឋ ត្រូវមានការប្រុងប្រយ័ត្នខ្ពស់ ពិសេសក្មេង និងចាស់ជរា។

បន្ថែមពីនេះ ស្នងការដ្ឋាននគរបាលខេត្ត បានចាត់កម្លាំងមួយចំនួនចុះទៅជួយជាបន្ទាន់ និងមួយចំនួនទៀត បានប្រមូលផ្តុំនៅស្នងការដ្ឋាន និងមធ្យោយបាយមួយចំនួនត្រៀមចុះទៅជួយអន្តរាគមន៍ បើស្ថានភាពទឹកមិនថមថយ។

សូមជម្រាបថា ក្រសួងធនធានទឹក និងឧតុនិយម បានចេញសេចក្តីប្រកាសព័ត៌មានមួយ ដោយបានឲ្យដឹងថា ចាប់ពីថ្ងៃទី១៧ ដល់ថ្ងៃទី២០ ខែសីហា ឆ្នាំ២០១៧នេះ កម្ពុជាទទួលរងនូវសម្ពាធទាប ពីសមុទ្រចិនខាងត្បូង ដូច្នេះហើយនឹងមានភ្លៀងធ្លាក់ ខ្យល់កន្ដ្រាក់ និងរន្ទះ នៅតាមបណ្ដាខេត្តមួយចំនួន។

តាមសេចក្ដីជូនដំណឹង បានបញ្ជាក់ថា នៅតំបន់ទំនាបកណ្ដាល តំបន់ខ្ពង់រាប និងតំបន់មាត់សមុទ្រ ផ្ទៃមេឃមានសភាពអាប់អួ មានពពកច្រើនដេរដាស ដែលអាចនឹងមានភ្លៀងធ្លាក់ពីមធ្យមទៅខ្លាំង លាយឡំជាមួយផ្គរ រន្ទះ និងទឹករលកសមុទ្រមានកម្ពស់ខ្ពស់ៗ៕

ជំនន់ទឹកភ្លៀងឡើងខ្លាំងនាំឲ្យលិចផ្ទះប្រជាពលរដ្ឋនៅស្រុកព្រៃនប់ និងឈានដល់លិចផ្លូវជាតិលេខ៣ និងផ្លូវជាតិលេខ៤

អ្នកធ្វើដំណើរទៅខេត្តព្រះសីហនុ មេត្តាប្រុងប្រយ័

នៅតំបន់ទំនាបកណ្ដាល តំបន់ខ្ពង់រាប និងតំបន់មាត់សមុទ្រ ផ្ទៃមេឃមានសភាពអាប់អួ មានពពកច្រើនដេរដាស ដែលអាចនឹងមានភ្លៀងធ្លាក់ពីមធ្យមទៅខ្លាំង លាយឡំជាមួយផ្គរ រន្ទះ និងទឹករលកសមុទ្រមានកម្ពស់ខ្ពស់ៗ

ប្រភព : Fresh News

Friday, August 11, 2017

សម្តេចតេជោ ហ៊ុន សែន អញ្ជើញចាកចេញពីកម្ពុជា ឆ្ពោះទៅកាន់ប្រទេសឡាវ ដើម្បីស្នើឲ្យឡាវដកកងទ័ពចេញពីទឹកដីកម្ពុជា (Video inside)

(ភ្នំពេញ)៖ នៅវេលាម៉ោង៧៖៣៥នាទីព្រឹក ថ្ងៃទី១២ ខែសីហា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្រ្តី្កនៃកម្ពុជា អញ្ជើញចាកចេញពីកម្ពុជាហើយ ឆ្ពោះទៅកាន់ប្រទេសឡាវ ដើម្បីជជែកដោះស្រាយបញ្ហាព្រំដែនជាមួយនឹងលោក ថោងលន់ ស៊ីស៊ូលីត នាយករដ្ឋមន្រ្តីឡាវ។

យោងតាមសេចក្តីប្រកាសរបស់ក្រសួងការបរទេសកម្ពុជា បានបញ្ជាក់ឲ្យដឹងថា នៅក្នុងជំនួបជាមួយនាយករដ្ឋមន្រ្តីឡាវនោះ សម្តេចតេជោ ហ៊ុន សែន នឹងស្នើឱ្យរដ្ឋាភិបាលឡាវ ដកកងកម្លាំងប្រដាប់អាវុធទាំងអស់របស់ខ្លួន ចេញពីតំបន់ក្បែរអូអាឡៃ និងតំបន់អូរតាង៉ាវ ស្រុកសៀមប៉ាង ខេត្តស្ទឹងត្រែង ជាប់ព្រំដែននឹងខេត្តអាតាពើ របស់ប្រទេសឡាវ។

បើតាមការឲ្យដឹងពីលោក ស្រ៊ី ថាមរ៉ុង រដ្ឋមន្ត្រីប្រតិភូអមនាយករដ្ឋមន្ត្រី បានប្រាប់ឲ្យដឹង មុនឡើងយន្តហោះចាកចេញពីកម្ពុជាថា គណៈប្រតិភូអមដំណើរសម្តេចតេជោ នាពេលនេះមានសម្តេចពិជ័យសេនា ទៀ បាញ់, លោក ទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងកិច្ចសហប្រតិបត្តិការ, លោក ស្រ៊ី ថាមរ៉ុង, លោក កៅ គីមហួន និងសមាជិកជាន់ខ្ពស់មួយចំនួនទៀត នៃរាជរដ្ឋាភិបាលកម្ពុជា។

លោក ស្រ៊ី ថាមរ៉ុង បន្ថែមថា នៅពេលគណៈប្រតិភូជាន់ខ្ពស់ របស់កម្ពុជា ធ្វើដំណើរទៅកាន់ប្រទេសឡាវ សម្តេចតេជោ នឹងជួបពិភាក្សាការងារ ជាមួយឯកឧត្តម ថង់លួន ស៊ីសូលីត នាយករដ្ឋមន្ត្រីឡាវ បន្ទាប់មកសម្តេចតេជោ នឹងជួបសម្តែងការគួរសមជាមួយប្រធានរដ្ឋឡាវ បន្ទាប់មកទៀត សម្តេចតេជោ នឹងអញ្ជើញចូលរួម ពិធីពិសារអាហារថ្ងៃត្រង់ ដែលរៀបចំឡើងដោយ នាយករដ្ឋមន្ត្រីឡាវ។

ក្រោយអាហារថ្ងៃត្រង់រួច សម្តេចតេជោនាយករដ្ឋមន្ត្រី នឹងអញ្ជើញដឹកនាំគណៈប្រតិភូវិលត្រឡប់មកកាន់មាតុភូមិវិញ នារសៀលថ្ងៃទី១២ ខែសីហា ឆ្នាំ២០១៧នេះ។

Wednesday, August 9, 2017

ឃាតកររំលោភសម្លាប់ចាប់បានហើយ មិនមែនសម្បត្តិតាក់ស៊ីទេ គឺអ្នកផ្សេង...

5,868 SHARE

២៣ ម៉ោងមុន

ខេត្តស្វាយរៀង ៖ ទីបំផុតសមត្ថកិច្ចចាប់ខ្លួនឃាតកររំលោភសម្លាប់នាងក្រមុំបុគ្គលិកកាស៊ីណូហ្គោដឡាក់បានហើយ ប៉ុន្តែជាអ្នកផ្សេងមិនមែនជាអ្នករត់តាក់ស៊ីមានឈ្មោះសម្បត្តិ តាក់ស៊ីនោះទេ គឺគេបានផ្ទេររថយន្តឲ្យអ្នករត់តាក់ដូចគ្នា ដែលរស់នៅភូមិព្រៃតាញ៉យ ឃុំខ្សែត្រ ស្រុកកំពង់រោទ៍ ។

ការចាប់ខ្លួននេះធ្វើឡើង នៅលើកំណាត់ផ្លូវជាតិលេខ១ ស្ថិតនៅភូមិរូបគោ សង្កាត់ព្រៃឆ្លាក់ ក្រុងស្វាយរៀង កាលពីវេលាម៉ោង១រសៀល ថ្ងៃទី៧ ខែសីហា ឆ្នាំ២០១៧ ។

បើតាមលោកវរសេនីយ៍ទោ កែវ សុថា ឲ្យដឹងថា កម្លាំងស្នងការដ្ឋាននគបាលខេត្តបានតាមប្រម៉ាញ់ឃាតករនៅថ្ងៃម្សិលមិញ គឺបានដឹងតម្រុយខ្លះ ហើយរហូតដល់វេលាម៉ោង៨ព្រឹកថ្ងៃទី៨ សីហា សមត្ថកិច្ចក៏ធ្វើការស្រាវជ្រាវ និងឃាត់ខ្លួនជនសង្ស័យម្នាក់ឈ្មោះ ឆើយ សុជាតិ ភេទប្រុស អាយុ៣៥ឆ្នាំ ជារត់តាក់ស៊ី រស់នៅភូមិព្រៃតាញ៉យ ឃុំខ្សែត្រ ស្រុកកំពង់រោទ៍ ដែលជាប់ទាក់ទិនក្នុងករណីឃាតកម្មកាលពីថ្ងៃទី០២ សីហា នៅក្រុងបាវិត ។ នៅពេលឃាត់ខ្លួនសមត្ថកិច្ចឆែកឆេរលើខ្លួនប្រាណរកឃើញខ្សែ.កមួយខ្សែ និងចិញ្ចៀនមួយវង់ ។

លោកបន្តទៀតថា ឆ្លងតាមការសាកសួររហូតដល់ម៉ោង២រសៀលជនសង្ស័យក៏ឆ្លើយសារភាពថា កាលពីថ្ងៃទី២ សីហា ខ្លួននិងគូកនម្នាក់ទៀតឈ្មោះ ផ្លេក មុន្នី ភេទប្រុស អាយុ២៨ឆ្នាំ ជាអ្នករត់តាក់ស៊ី រស់ភូមិ-ឃុំជាមួយគ្នា ពិតជាបានរួមដៃគ្នាប្រព្រឹត្តិអំពើរំលោភទៅលើនារីរងគ្រោះអាយុ១៨ឆ្នាំនៅក្នុងរថយន្ត រួចរឹត.កសម្លាប់ ថែមទាំងយកទៅបោះចោលនៅចំណុចផ្លូវលំក្នុងភូមិតាពៅ សង្កាត់បាវិត ក្រុងបាវិតប្រាកដមែន ។ ហើយរហូតមកដល់វេលាម៉ោង៣និង២០នាទីថ្ងៃទី៨នេះ សមត្ថកិច្ចក៏ឃាត់ខ្លួនជនសង្ស័យឈ្មោះ ផ្លេក មុន្នី ម្នាក់ទៀតនៅរាជធានីភ្នំពេញ បច្ចុប្បន្នសមត្ថកិច្ចយើងកំពុងទៅទទួលយកជនសង្ស័យ ដើម្បីកសាងសំណុំរឿងចាត់ការតាមច្បាប់៕

ជនសង្ស័យម្នាក់ឈ្មោះ ឆើយ សុជាតិ ភេទប្រុស អាយុ៣៥ឆ្នាំ ជារត់តាក់ស៊ី

ការចាប់ខ្លួននេះធ្វើឡើង នៅលើកំណាត់ផ្លូវជាតិលេខ១ ស្ថិតនៅភូមិរូបគោ សង្កាត់ព្រៃឆ្លាក់ ក្រុងស្វាយរៀង កាលពីវេលាម៉ោង១រសៀល ថ្ងៃទី៧ ខែសីហា ឆ្នាំ២០១៧

សមត្ថកិច្ចក៏ឃាត់ខ្លួនជនសង្ស័យឈ្មោះ ផ្លេក មុន្នី ម្នាក់ទៀតនៅរាជធានីភ្នំពេញ បច្ចុប្បន្នសមត្ថកិច្ចយើងកំពុងទៅទទួលយកជនសង្ស័យ ដើម្បីកសាងសំណុំរឿងចាត់ការតាមច្បាប់

នារីរងគ្រោះដែលត្រូវបានឃាតករំលោភនិងសម្លាប់

ជនរងគ្រោះឈ្មោះ សុវណ្ណ សុខម៉ាលីន អាយុ១៨ឆ្នាំ ជាបុគ្គលិកកាស៊ីណូ ហ្គូដឡាក់ ក្រុងបាវិត

ប្រភព : កោះសន្តិភាព

Thursday, August 3, 2017

អតីតឧបនាយករដ្ឋមន្រ្តី ញឹក ប៊ុនឆៃ កំពុងត្រូវបានសួរនាំនៅស្នងការដ្ឋាននគរបាលរាជធានីភ្នំពេញ ពាក់ព័ន្ធករណីផលិតគ្រឿងញៀន (Video inside)

(ភ្នំពេញ)៖ គិតត្រឹមយប់ថ្ងៃទី០៣ ខែសីហា ឆ្នាំ២០១៧នេះ អតីតឧបនាយករដ្ឋមន្រ្តី ញឹក ប៊ុនឆៃ ប្រធានគណបក្សខ្មែររួបរួមជាតិ កំពុងត្រូវបានសួរនាំ នៅស្នងការដ្ឋាននគរបាលរាជធានីភ្នំពេញ ពាក់ព័ន្ធករណីផលិតគ្រឿងញៀន នៅស្រុកភ្នំស្រួច ខេត្តកំពង់ស្ពឺ ក្រោយពីសមត្ថកិច្ចឃាត់ខ្លួននៅវេលាថ្ងៃត្រង់ទី០៣ ខែសីហា នេះបើតាមមន្ត្រីជាន់ខ្ពស់នគរបាលរាជធានីភ្នំពេញថ្លែងប្រាប់ឲ្យដឹង។

នាយឧត្តមសេនីយ៍ នេត សារឿន អគ្គស្នងការនគរបាលជាតិ បានថ្លែងប្រាប់បណ្តាញព័ត៌មាន Fresh News ឲ្យដឹងថា លោក ញឹក ប៊ុនឆៃ ប្រធានគណបក្សខ្មែររួបរួមជាតិត្រូវបានសមត្ថកិច្ចធ្វើការឃាត់ខ្លួន នៅវេលាម៉ោង១២ថ្ងៃត្រង់ ថ្ងៃទី០៣ ខែសីហា ឆ្នាំ២០១៧នេះ ពាក់ព័ន្ធករណីផលិតគ្រឿងញៀន កាលពីឆ្នាំ២០០៧ នៅស្រុកភ្នំស្រួច ខេត្តកំពង់ស្ពឺ។

នាយឧត្តមសេនីយ៍ នេត សាវឿន បានបញ្ជាក់ឲ្យដឹងថា កម្លាំងនគរបាលរាជធានីភ្នំពេញ អនុវត្តតាមដីការបស់តុលាការ ដើម្បីនាំខ្លួនលោក ញឹក ប៊ុនឆៃ មកសាកសួរនាំនៅស្នងការដ្ឋាននគរបាល រាជធានីភ្នំពេញ។

សូមបញ្ជាក់ថា កាលពីឆ្នាំ២០០៧ នៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ចំណុចគីឡូម៉ែត្រលេខ៨១-៨២ សមត្ថកិច្ចបានចុះបង្ក្រាបទីតាំង ផលិតគ្រឿង ញៀនដ៏ធំមួយដោយទីតាំងនោះ ត្រូវបានគេដឹងថា ជាកម្មសិទ្ធិរបស់ឈ្មោះ ជា ជុង ដែលគេដឹងថា គឺជាទីប្រឹក្សារបស់លោកឧបនាយករដ្ឋមន្ត្រីញឹក ប៊ុនឆៃ ។

ក្នុងនោះសមត្ថកិច្ចមន្ទីរប្រឆាំងគ្រឿងញៀនបានរកឃើញវត្ថុធាតុដើមសំរាប់ផលិតគ្រឿងញៀនជាច្រើន ហើយគេក៏បានឃើញរថយន្តកាមរីពណ៌សដាក់ស៊ីរ៉ែន ពាក់ស្លាកលេខរដ្ឋ ដែលគេដឹងថា រថយន្តស៊ីរ៉ែននេះគឺសំរាប់បើកនាំមុខក្បួនរថយន្តរបស់លោកឧបនាយករដ្ឋមន្ត្រី ញឹក ប៊ុនឆៃ ចតនៅទីនោះដែរ។

តាមសាក្សីដែលជាប្រជាពលរដ្ឋជិតខាង និងកម្មករមើលថែដី គេអះអាងថា ទីតាំងនេះ គឺជាកសិដ្ឋានចិញ្ចឹមគោ ប៉ុន្តែគេឧស្សាហ៏ឃើញលោក ញឹក ប៊ុនឆៃ ចេញចូលទីនោះញឹកញាប់ ជាពិសេសជាមួយឈ្មោះ ជា ជុង ដែលបច្ចុប្បន្នកំពុងជាប់ពន្ធនាគារក្នុងបទល្មើសផលិតគ្រឿងញៀននៅទីនោះ រួមជាមួយជនជាតិ ចិន២នាក់ ជនជាតិថៃម្នាក់ ដែលជាអ្នកបច្ចេកទេសក្នុងការលាយថ្នាំសំរាប់ផលិតគ្រឿងញៀន ក្រោមលេសផលិតថ្នាំសំរាប់ធ្វើជីដាំស្មៅឲ្យគោស៊ី៕

យុទ្ធនាការប្រយុទ្ធប្រឆាំងគ្រឿងញៀនខុសច្បាប់ ទូទាំងប្រទេសសម្រាប់ថ្ងៃទី០៣ ខែសីហានេះ លទ្ធផល៖ បង្ក្រាប៣១ករណី ឃាត់ខ្លួន៦៧នាក់

(ភ្នំពេញ)៖ យុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី០៣ ខែសីហា ឆ្នាំ២០១៧ បានបង្ហាញថា កម្លាំងសមត្ថកិច្ចបានបង្ក្រាប៖

* លទ្ធផលបង្ក្រាបរួមមាន៖៣១ករណី ឃាត់ខ្លួន៦៧នាក់ (ស្រី៦នាក់)
១៖ ករណីជួញដូរ គ្រឿងញៀន២០ករណី ឃាត់ខ្លួន៤០នាក់ (ស្រី៥នាក់)។
២៖ ករណីប្រើប្រាស់គ្រឿងញៀន១១ករណី ឃាត់ខ្លួន២៧នាក់ (ស្រីម្នាក់)៕

Wednesday, August 2, 2017

ក្រុមចោរឆក់យ៉ាងសកម្ម ក្នុងរាជធានីភ្នំពេញ៤នាក់ ត្រូវនគរបាលបង្ក្រាបបាន ថ្ងៃនេះបញ្ជូនទៅតុលាការកាត់ទោសតាមច្បាប់

(ភ្នំពេញ)៖ ក្រោយទទួលបានបញ្ជាពីនាយឧត្តមសេនីយ៍ លោក ជួន សុវណ្ណ អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាល បានបើកកិច្ចសហប្រតិបត្តិការស្រាវជ្រាវជាមួយកម្លាំងនគរបាលខេត្តព្រះសីហនុ រហូតឈានទៅដល់ការបង្ក្រាបឃាត់ខ្លួនបាន និងដាក់បង្ហាញមុខក្រុមចោរឆក់ ដែលតែងតែធ្វើសកម្មភាពឆក់កាបូបស្ពាយ ទូរស័ព្ទ និងសម្ភារផ្សេងៗយ៉ាងសកម្ម ពីប្រជាពលរដ្ឋតាមដងផ្លូវសាធារណៈ ក្នុងរាជធានីភ្នំពេញចំនួន៤នាក់ ក្នុងចំណោមបក្ខពួក៥នាក់ រួមនិងដកហូតវត្ថុតាងម៉ូតូចំនួន២គ្រឿងផងដែរ។

ជនសង្ស័យទាំងនេះត្រូវបានបង្ហាញមុខជាសាធារណៈនៅព្រឹកថ្ងៃទី២ ខែសីហា ឆ្នាំ២០១៧នេះ មុនបញ្ជូនខ្លួនទៅកាន់តុលាការចាត់ការតាមច្បាប់។

លោក ប៊ុន សត្យា បានបញ្ជាក់ថា មុនឈានដល់ការបង្ក្រាបឃាត់ខ្លួន មុខសញ្ញាក្រុមជនសង្ស័យ ដែលតែងតែធ្វើសកម្មភាពឆក់យ៉ាងសកម្ម ក្នុងរាជធានីភ្នំពេញទាំង៤នាក់ ខណៈបក្ខពួកម្នាក់ទៀតកំពុងរត់គេចខ្លួនខាងលើនេះ បានធ្វើឡើងដោយជំហ៊ានដំបូង កាលពីដើមខែកក្កដា ថ្ងៃទី៥ កន្លងទៅ ក្រុមជនសង្ស័យទាំង៥នាក់ បានជិះម៉ូតូ២គ្រឿង មកធ្វើសកម្មភាពឆក់យកកាបូបស្ពាយ មានទាំងទូរស័ព្ទ៣គ្រឿង ថវិកា៣ពាន់ដល្លារ និងសម្ភារមួយចំនួនទៀត ពីជនរងគ្រោះជាស្ត្រី២នាក់ ម្ដាយ-កូន ដែលកំពុងជិះបើកម៉ូតូឌុបគ្នា តាមដងផ្លូវ ដើម្បីត្រឡប់ទៅផ្ទះ រហូតបានសម្រេច ហើយក៏រត់គេចខ្លួនបាត់ដោយសុវត្ថិភាព និងបណ្ដាលឲ្យជនរងគ្រោះដួលរងរបួសយ៉ាងធ្ងន់ធ្ងរ នៅមុខសាលាបឋមសិក្សាទួលគោក ផ្លូវលេខ២៨៩ សង្កាត់បឹងកក់១ ខណ្ឌទួលគោក។

លោក ប៊ុន សត្យា បានបញ្ជាក់ទៀតថា បន្ទាប់ពីក្រុមជនសង្ស័យ បានធ្វើសកម្មភាពឆក់កាបូបស្ពាយយកទាំងទូរស័ព្ទ និងប្រាក់ដុល្លារ បានសម្រេច ពីជនរងគ្រោះ២នាក់ម្ដាយកូនរួចមក នៅថ្ងៃទី៣០ កក្កដា ក្រុមជនសង្ស័យម្នាក់ ក្នុងចំណោម៥នាក់ បានទៅលេងកំសាន្ដនៅឯខេត្តព្រះសីហនុ ស្រាប់តែត្រូវបានកម្លាំងនគរបាលខេត្ត បង្ក្រាបឃាត់ខ្លួនបានភ្លាមៗ នៅត្រង់ចំណុចកោះរ៉ុង សង្កាត់កោះរ៉ុង ខេត្តព្រះសីហនុ និងដកហូតបានម៉ូតូ១គ្រឿងម៉ាកហុងដាសេ១២៥ សេរីឆ្នាំ២០១៧ ពាក់ស្លាកលេខភ្នំពេញ 1GJ-7421 ហើយក៏ទទួលបានចម្លើយជាតម្រុយខ្លះៗ ពីជនសង្ស័យ ដែលបង្ក្រាបបាន ទើបបន្តប្រតិបត្តិការស៊ើបអង្កេតតាមជំនាញ រហូតដល់ព្រឹកថ្ងៃទី៣១ ខែកក្កដា អាចឈានទៅដល់ការបង្ក្រាបឃាត់ខ្លួនជនសង្ស័យ ជាបក្ខពួកបន្ថែម៣នាក់ទៀត និងដកហូតបានម៉ូតូ១គ្រឿងម៉ាកហុងដា សេ១២៥ សេរីឆ្នាំ២០១៧ គ្មានស្លាកលេខ នៅត្រង់ចំណុចខាងមុខស្ថានទូតវៀតណាម ផ្លូវព្រះមុន្នីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ខណៈបក្ខពួកម្នាក់ទៀតកំពុងរត់គេចខ្លួន។

លោកបន្តថា ជនសង្ស័យទាំង៤នាក់ ក៏បានឆ្លើយសារភាពថា កាលពីថ្ងៃទី២៣ ខែតុលា ឆ្នាំ២០១៦ ពួកគេក៏បានធ្វើសកម្មភាពឆក់កាបូបដៃ ពីជនជាតិអង់គ្លេសម្នាក់ឈ្មោះ John willam Wanmadoocks រហូតបានសម្រេច ហើយយកបានទូរស័ព្ទម៉ាក iphone6+១គ្រឿង នៅត្រង់ចំណុចខាងមុខវិហ៊ារឥស្លាម ផ្លូវលេខ៨៦ ភូមិ៦ សង្កាត់ស្រះចក ខណ្ឌដូនពេញ។

ជនសង្ស័យជាមុខសញ្ញាឆក់យ៉ាងសកម្មក្នុងរាជធានីភ្នំពេញ ទាំង៤នាក់ ដែលត្រូវឃាត់ខ្លួនទី១-ឈ្មោះ ហង្ស វីរៈ ហៅប៊ឹប ភេទប្រុស អាយុ១៧ឆ្នាំ មុខរបរសិស្ស ស្នាក់នៅសង្កាត់ស្រះចក ខណ្ឌដូនពេញ។ទី២-ឈ្មោះ រឿន ពេជ្រ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះលេខ៤៧ ផ្លូវលេខ៨០ សង្កាត់ស្រះចក ខណ្ឌដូនពេញ។ទី៣-ឈ្មោះ ឈន ហេងហាក់ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះលេខ២៨២ ផ្លូវ៥៩៨ ភូមិ៧ សង្កាត់ភ្នំពេញថ្មី ខណ្ឌសែនសុខ។ទី៤-ឈ្មោះ សេង សុធារិទ្ធិ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវ៦១០ សង្កាត់បឹងកក់២ ខណ្ឌទួលគោក។ ឯជនរងគ្រោះទី១-ឈ្មោះ ញឹម តនីតា ភេទស្រី អាយុ២៦ឆ្នាំ មុខរបរបុគ្គលិកក្រុមហ៊ុន ស្នាក់នៅផ្ទះលេខ៦២ដេ ផ្លូវលេខ១៩ សង្កាត់ស្វាយប៉ាក ខណ្ឌឫស្សីកែវ។ ទី២-ឈ្មោះ នូវ ចន្ធូ ភេទស្រី អាយុ៤១ឆ្នាំ មុខរបរនៅផ្ទះ ស្នាក់នៅភូមិ២ សង្កាត់កោះរ៉ុង ក្រុងព្រះសីហនុ ខេត្តព្រះសីហនុ។

សូមបញ្ជាក់ថា ក្រោយបង្ក្រាប និងដាក់បង្ហាញមុខក្រុមជនសង្ស័យទាំង៤នាក់ រួមជាមួយវត្ថុតាង ដែលដកហូតបានពីសកម្មភាព ត្រូវបានកម្លាំងការិយាល័យនគរបាលព្រហម្មទណ្ឌកំរិតស្រាល នៃស្នងការនគរបាលរាជធានីភ្នំពេញ ធ្វើការបញ្ជូនខ្លួនទៅកាន់សាលាដំបូងរាជធានីភ្នំពេញ ដើម្បីចាត់ការ វិនិឆ្ឆ័យតាមផ្លូវច្បាប់ នៅថ្ងៃនេះហើយ៕

ក្រុមចោរឆក់យ៉ាងសកម្ម ក្នុងរាជធានីភ្នំពេញ៤នាក់ ត្រូវនគរបាលបង្ក្រាបបាន ថ្ងៃនេះបញ្ជូនទៅតុលាការកាត់ទោសតាមច្បាប់

ប្រភព : Fresh News